ცოლი ორსულადაა და ამ დროს განქორწინება გინდა? გაქცევის ნაცვლად დარჩენა მოგიწევს

ცოლის ორსულობის დროს და ბავშვის დაბადებიდან ერთი წლის განმავლობაში ქმარს უფლება არა აქვს ცოლის თანხმობის გარეშე აღძრას საქმე განქორწინებაზე. ამ დათქმის მიზანს არ წარმოადგენს ქორწინების ხანგრძლივი დროის განმავლობაში შენარჩუნება, არამედ იმის აღკვეთა, რომ ქმარმა მიატოვოს უმწეო მდგომარეობაში მყოფი ცოლი, რომელსაც მოცემული მომენტისათვის არ შეუძლია საკუთარ თავზე (ფინანსური) პასუხისმგელობის აღება და ბავშვის საუკეთესო ინტერესებზე ზრუნვა.

ეს შეზღუდვა ქმნის დროებით „ბუფერს“, რომელიც სახელმწიფოს მხრიდან მინიმალური სოციალური დაცვის მექანიზმად შეიძლება ჩაითვალოს. იგი აღიარებს, რომ ორსულობისა და ჩვილის პირველ წელს ქალის შრომითი და ეკონომიკური შესაძლებლობები, როგორც წესი, შემცირებულია.

ნორმა არა მხოლოდ დედის, არამედ ბავშვის ინტერესსაც იცავს - თავიდან იცილებს იმ რისკს, რომ ახალშობილი მშობლის განცალკევების გამო დაუცველი დარჩეს.

დათქმა ქმნის „cool პერიოდს“, სადაც კონფლიქტის ემოციურმა პიკმა შესაძლოა დაიკლოს და ოჯახს ეძლევა შანსი შეთანხმების ან შერიგებისკენ.

მიუხედავად იმისა, რომ ქმრის უფლებას დროებით ზღუდავს, ეს შეზღუდვა განისაზღვრება აუცილებლობის პრინციპით - იგი არ აუქმებს განქორწინების უფლებას მთლიანად, არამედ მხოლოდ აყოვნებს, რათა დაცული იყოს უფრო სუსტი მხარე.

რეგულაცია არის დაცვითი და დროებითი ღონისძიება, რომელიც აღიარებს ორსული ან ახლადმშობიარე ქალის განსაკუთრებულ მდგომარეობას და ემსახურება როგორც დედის, ისე ბავშვის კეთილდღეობას;